Indi pagtuguti nga madaea nanda ako
Kimo ko eon ginatugyan rung tanan
Tabangi man ru ang ispiritu
Nga indi maduea sa kahawaan.

Sa pagbutlak ko mga bituon sa kaeangitan,
Makita Mo ako nga naga-euhod
Gapangamuyo it madaeum
Sa pihak ku mga kalisdanan.

Ru Imong masilak nga bertud
Ipabutyag sa tanan
Nga IKAW makagagahum
Uwa kimo't eabing mataas.

Sa eutay ako naghalin
Eutay man ru akon nga paea-adtunan
Ngani kabay nga matuman
Rung tanan Nimo nga mga handum.

Bugtawa rung kalibutan
Nga naduea-an it pag-eaum
Isikway ru mga butang nga maea-in
Ag batunun ru mga bugay nga balaan.

Ru hampak it kalisud,
Kabaskog nga indi mahuyang
Buyti ako it mayad
Hay ako nagatuo kimo, MAN-EUEUWAS!